مـــين أكــبر فشـار فى المـــنتــدى ..لعبه للناس الروشه بس

من طرف mizo 3ms2a الثلاثاء أكتوبر 16, 2007 3:28 am

مين اكبر فشـــــــار هنا

الموضوع بكل سهوله انى اى بنى ادم هيدخل هيقولنا فشره كدا يعنى كدبه
(( عايزيين يا شباب ويا صبايا الخيال يشتغل شوييييييييييه ))

المهم .. كل حد يقول اى كدبه بس كدبه (( تموت من الضحك))
او موقف يتوقع انه حصل معاه

والعضــو اللى هييجــى عليه رقم 10 يقول مين أكبر فشار من الــ9 اعضاء اللى فاتوا

وده طبعاااااااااا بعد ما يفشــر هو كماااااااااان

مـــين أكــبر فشـار فى المـــنتــدى ..لعبه للناس الروشه بس Pinocc10

عايزيين نشوف الشباب ولا الصبايا خيالهم احلى فى الفشرررررر.....

كل حد يدخل يكدب واللى هيخرج من غير ما يفشر هجيبه .. انتوا احرار بقــى

من طرف **Crespowbas** الجمعة نوفمبر 23, 2007 9:55 pm

انا عندى قصر لو حكتلكم عليه مش هقولك
انتم ما تعرفوش
لا والله ما تعرفوش
طب خلاص انا هقولكم
انا جدى كان حاكم زمان قوووووووى بس الصراحه مش فاكر كان بيحكم ايه
المهم كان حاكم

احنا دلوقتى عندنا حشم وخدم وكدة انتم طبعا ما تعرفهمشى
علشان انا عنى قصر واتحدى اى حد عندة قصر غيرى

ايه رايكم فى الكدبه ديه اى خدمه يا عم

من طرف **tweety** السبت ديسمبر 22, 2007 10:51 pm

اللعبه عجبتنى جدا

انا نمره اتنين صح
طيب انا هقولوكم انى قابلت كريم عبد العزيز هوا ومراته فى الشارع اللى ورا بيتنا من يومين
هوا شافنى من هنا ماقولكمش مش راضى ينزل عينه من عليا جه واتكلم معايا واقوله ياعم انتا متجوز؟؟؟ مافيش فايده
جه قالى هاسبنى من مراتى وهابقى معاكى وانا اقوله لا
مش استايلى خالص ياجماعه
قالى ياستى مينفعش انا مش همشى من هنا الا لما توافقى
وانا ياجماعه مش عايزه احرجه اكتر من كده
هوا اولا شكله مش بيعجبنى
ودمه مش خفيف خالص
المهم قالى طيب شاوريلى على بيتكو
قولت ماشى راح لبابا قال لبابا بابا قاله شوف رايها واقوله ياعم انا مش موافقه هوا بالعافيه
مفيش فايده
ياجماعه شوفولى حل بقى فى المعجبين الكتيييييييييييير دول
مش عايزه اقولكم كمان على تامر حسنى واللى عمله
انا زهقت خلاص ياجماعه مخنووووووووووووووقه شوفولى حل ؟

من طرف **little angel** الثلاثاء ديسمبر 25, 2007 3:17 pm

انا نامبر 3 اوك

انا بقى فوجئت من يومين ان البنت دى اللى اسمها (نانسى عجرم) تعرفوها؟
اتصلت بيا على رقم الموبايل البرايفت بتاعى (اللى مش مع حد خالص)
وقعدت تتوسل وتتحايل عليا وتقولى (ابوس ايدك يا انجل ماتخرجيش من بيتكو الناس لما بتشوفك ومن كتر جمالك بتنسانى ابوس رجلك ماتخرجيش وماتوريش نفسك لحد انتى بتغطى عليا انا كدة هاضيع منك ارحمينى شويه وخفى من جمالك )
دة طبعا كلمتنى بعد ما يادوب فوزية (ملكة جمال مصر) اتصلت قبلها بشوية وقالت نفس الحوار
تفتكروا ا جماعة اعمل ايه اسمع كلامهم ولا اطنشهم وانور الدنيا بجمالى

من طرف **Crespowbas** الثلاثاء ديسمبر 25, 2007 3:57 pm

هههههههههههههههههههههههههههه

لا ازاى

اوعى تسمعى كلمها الدنيا هتبقى وحشه خالص خالص لو اعتى فى بيتك ومخرجتيش

انتى سكر يا بت

وانتى يا تويتى كريم عبد العزيز بيجرى وراكى
لا يا بنتى انتى تستهلى واحد احلى منه نفضيله نفضيله
اسمعى كلامى ونفضيله

شوفيلك واحد زى عمرو (هو كبير بس مش مشكله)
واحد زى هانى سلامه

حاجات زى كدة

من طرف **tweety** الثلاثاء ديسمبر 25, 2007 6:16 pm

لا عمرو مين ولا هانى ده كمان

مبقاش كمان الا دول
انا هصوم أصوم وأفطر على دووووووول
يعععععععع

من طرف **Crespowbas** الخميس ديسمبر 27, 2007 12:10 pm

يععععععععععععععععععععععع

ونيااااااااااااااااااااااااااههههههههههههههههههههههههه وحاجات غريبه

اشطه

خلاص قوليلى بس انتى عاوزة مين وانا هجرى واروح اخطبهولك على طوووووووول يا بنتى

بس اختارى بسرعه قبل ما يموتو كلهم
ههههههههه

من طرف **DeBo0o** الجمعة ديسمبر 28, 2007 2:17 am

يا اخى انا زهقت و الله .. مش عارف اعمل ايه و لا ايه bounce

غيرت رقم موبايلى خمسه و تلاتين مرة و ما فيش فايده

.. بيجيلى تليفونات و معاكسات و رزالات بالهبل

حاجه بصراحه بقت تحرق الدم ...

اتفرج يا سيدى لسه من يومين scratch

.. الاقيلك صوت انثوى نواعمى بيتكلم فى التليفون

الو ... مسا الخير ... ديبو

قلتله ايوة يا ستى انا ديبو ... حضرتك مين

قالتلى لا مش لازم تعرف انا مين ... انا بس كان نفسى اسمع صوتك ..يا ارق و اجمل و احلى صوت فى الدنيا

قالتلها ..الله الله الله .. ايه يا بنتى الكلام اللى انتى بتقوليه ده .. انتى شكلك فاضيه و مش لاقيه حاجة تعمليها

قالتلى و هو اللى تيجى عينه فى عنيك ممكن يعمل ايه تانى غير انه يفضل باصصلها او اللى يسمع صوتك

ممكن يعمل ايه غير انه يلزم الصمت و يحس كل حرف و كل كلمه بتقولها

و بعد صمت دام لمده دقيقة و نص .. وجدت نفسى مترددا و فى مهب الريح .. و لم اجد سوى ان ارد بصوت غليظ

يا ستى انتى عايزة منى ايه بالظبط ... انا مش فاضى للكلام الفارغ اللى انتى بتقوليه دة

ردت و قالت .. عمر ما حبى ليك كان كلام فاضى .. دة احلى و اجمل كلام فى الدنيا .. اخص عليك يا حماده

حماده Shocked

يا ستى انتى تعرفينى اصلا علشان تقوليلى يا حماااااااااااااااااااااااااااااااااااااااده affraid

انتى مين يا بنتى بالظبط ؟؟؟؟ و يا ريت تفهمينى حضرتك عايزة منى ؟

انا بصراحه معجبه

يا اخى اعجب بيكى عزرائيل ساعت فضا و الناس نايمه scratch

على العموم انا اسفه انى ازعجتك .. بس بجد كان نفسى اسمع صوتك و اتكلم معاك

قلتلها اوكى بس يا ريت تنسى الرقم ده و ما تتصليش تانى

قالتلى ما اوعدكش .. لانى مش اانا اللى بكلمك .. دة قلبى هو الى بيتكلم .. غصب عنى

طبعا اضطريت انى اقفل السكه فى وشها و اقفل الموبايل .. علشان اخلص من الغلاسات اللى بالشكل دة

بس مش عارف ليه حاسس ان البنت دى اعرفها bom

ربنا يتوب علينا بقى من البلاوى اللى بتتحدف علينا دى love

من طرف **kaber** الجمعة ديسمبر 28, 2007 2:56 am

ههههههههههههههههههه اية دا هو نفس الموضوع بيتعمل معاك يا ديبو

اصل اتعمل معايا .........خير اللهم اجعلة خير........انا كنت قاعدة بتفرج على فيلم
بتاع سفينة تايتنك دة.........والقيلك الممثل الاجنبى دة وانا قاعدة فى السنيما
والفيلم بيتعرض ام اية لما كانت السفينة بتتقلب فى الفيلم لقيتلك ليوناردو دى كابرى
شاور علية وانا قاعدة فى وسط الناس وساب الممثلة البطلة اللى
كانت معاة دى
وقالى انتى .........فانا بحسب دة من ضمن تصوير الفيلم
لقيتة بيقول استوب..........انتى يا كابر قولتلة انا طبعا الاول انا ما كنش فهمة اللغة
علشان اختكم فقهة فى اللغة........قلتلو كلمنى عربى لو سمحت

قالى طبعا يا جميل (ده بالعربى)دا انا اغير جنسيتى علشانك
مش اللغة وبس..........بس احنا عاييزين ننول الرضا
قلتلو بقولك اية انا مش فى السفينة معاك ولا انت عايز تغرقنى وخلاص

قالى لا يا باشا واحنا نقدر يا جميل.........طبعا الحوار دة كلة حصل وانا قاعدة مكانى وهو اللى خرج من شاشة العرض
قلتلو خلاص خدنى مكان البطلة حتى انا احلى منها وشكلى رومانسى جدا ولا اية

قالى طبعا واخدنى ودخلنى الفيلم وطرد البنت الوحشة اللى كانت حتبوظ الفيلم دة

لولايا انا خليتة ينجح........حتى لو اخدتة بالكم من الفيلم........

حتلقونى انا اول واحدة وقعت من السفينة ووقعة من حد وبالقصد وهى الى عملت كدة

النفوس بقى نعمل اية علشان كدة هو مات علشانى
يعيش من غيرى يعمل اية

هجسى.........اللهم اجعلة فشر

من طرف **Crespowbas** الجمعة ديسمبر 28, 2007 3:11 am

ينهاااااااااااااااااار فشر

دا المنتدى كله حلووووووووووووووو اهو

من طرف **G O G O** الجمعة يوليو 04, 2008 4:00 pm

يا جماعة انا مش بحب اتكلم عن نفسى كتير
بس هاعمل اية بقى
انا كنت فى يوم بشترى عربية bmw
ومتسنيها بقى جايالى فى السكة وجت فعلا
ونزلت اشوفها
اتنرفزت اوى ورجعتها الشركة تانى
ومش رضيت اخدها
علشان لقيت فيها قشرة لبة
فعلا انا مش حبيتها

من طرف **devotte_h** الجمعة يوليو 04, 2008 5:20 pm

حلوة اوى اللعبة ديه يا ميزو

انا بقى حصلى حتت موقف!!!!!

كنت فى سويسرا .. كنت بخلص ورقة الفيزا بتاعتى فى البنك السويسرى وكنت راكن العربية الفيرارى الكحلى بتاعتى ولما خرجت من البنك لقيت واحدة بتتكلم بصوت عالى وعماله تزعق .. اصلى كنت قافل على عربيتها .. فرحت اشوف مين ديه لقيت مين؟؟؟؟ .. انجلينا جولى!!!
اول لما قربت منها قولتلها انا اسف انى قفلت على عربيتك .. فاول لما شفتنى قالتلى انا اسفه انى اتكلمت بصوت عالى وانا سعيدة انى شوفتك انا عزماك على العشا عندى .. فقلتلها انا اسعد بس للاسف مش هقدر اجى على العشا لانى عازم ايفرال ليفن على العشا .
اتصدمت!!!!!!!
ههههههههههههههههههههه

غصب عنى اعمل ايه بقى

من طرف **Crespowbas** الجمعة يوليو 04, 2008 6:00 pm

ههههههههههههههههههههههههههههههههه

جامد يا حسام يا فشار

من طرف BOoOny الجمعة يوليو 04, 2008 6:10 pm

ده الممثلين الاجانب دول بيتحدفو على الواحد كده

خير الله ما اجعله خير

وانا قاعده ع النت ف البيت بقرأاخبار هارى بوتر الاقى جرس الباب بيرن

افتح الباب الاقى قدامى دانيال رادكليف و جاكى رولينج و اسره عمل افلام هارى بوتر كلهوم جايين و بيستازنو للدخول قلتلهم اتفضلوا

دخلو و دانى اتكلم قالى بصراحه (( نحن قررنا ان نختارك انت لتقومى بتمثيل الجزء السادس )) انا ما صدقتش بصتلهم لقيتهم بيحركو راسهم موافقين طبعا هما مش فاهمين الكلام دانى بس لانه متعلم عربى ف اسرائيل

المهم انا اخدتنى الدهشه بعدين قلتلهم(( طب و هاجى مكان مين((

رد دانى ((مكان بوونى ((جينى ويزلى )))) انا قلت نعم اصل ف الجزء السادس معظم المشاهد لبوونى و دانى انا مش عارفه يا جماعه اعمل ايه عملين يضغطو عليا و كمان ده اول طلب دانى يطلبه منى طبعا انا عارفاه من زمان بس مكانش بيطلب حاجه انا بفكر ارفض

من طرف BOoOny الجمعة يوليو 04, 2008 6:20 pm

يا جماعه اللى هيرد بعدى هيكون رقم 9 و اللى بعديه هيكون عشره اللى هيقول مين اكبر فشااااااااااااااااااااااااااااااااااااااااااااااااااااااااااااار

من طرف **zantout** الأحد يوليو 06, 2008 3:25 pm

انا بقى رقم 9

انا كنت ماشى ف الجزيرة بتاعت بابا كنت رايح اجيب حاجات للماما من السوبر ماركت بتاع الجزيرة بتاعتنا
انا بحب الشيكولا جبت شيكولا كابورى م المصنع بتاعنا
ولاقيت انى كسبت حاجة من 3 مش عارف اختار
1.جايزة مالية كبيرة اوى من البنك بتاعنا يجى زورزومية جنية (استرلينى بنكنا بقى)
2.رحلة لمدة زوروزمية يوم كدة مع ملكات جمال العالم بتوعنا علىى اجمل شواطئ الارض بتاعتنا
3.انى اخد مبايل 3310 من المصنع (نوكيا بتاعنا)

انا بفضل 3 حد له راى تانى......................