تحت المجهر

من طرف **MOoON Light** الإثنين أكتوبر 22, 2007 11:08 pm

بسم الله الرحمن الرحيم

هنعمل دلوقتى ياجماعة ان شاء الله موضوع
اسمه ((((((((تحت المجهر))))))))

عبارة عن ان احنا هنختار عضو هنحطه تحت المجهر
ويدخل جميع الاعضاء ويسأله كل الاسئلة اللى عايز يسألهاله
وبعد مالعضو ده يخلص اجابة جميع الاسئلة الموجهة لى

يختار عضو بعده ويتحط تحت المجهر
وهكذااااااااااا

ياريت تكونوا استوعبتوا الموضوع

من طرف **MOoON Light** الإثنين أكتوبر 22, 2007 11:12 pm

وهبدأ انا ان شاء الله باختيار اول عضو

************ رنييييييييييييييييييييييييييييييم*************

1\ اكتبى مواصفات بطاقتك الشخصية
الاسم ؟ السن؟ تاريخ الميلاد؟

2\ايه اكتر شى بتحبيه واكتر حاجة تكرهيها؟؟؟؟؟؟

3\اوصفى اعضاء المنتدى؟
4\ أمنية تتمانيها لعضو ومين هو العضو ده؟؟؟

5\ رسالة عتاب لعضو هنا فى المنتدى؟ وايه هى ومين العضو ده؟؟؟؟

جاوبى على دول دلوقتى مؤقتا بس لسه اسألتى مش خلصت

من طرف **RANEEM** الثلاثاء أكتوبر 23, 2007 12:06 am

ماشي يا ست موني

1-انا اسمي اكيد انتو عارفينه
20 سنه
15/12/1987

2-اكتر شي بحبه في حاجات كتير مش عارفه اقولك ايه ولا ايه
اما بقي الحاجه الي بكرها قوي هيه الغدر وسوء النيهاكتر حاجات فعلا بكرها

3-مش فهمه يعني ايه اوصف اعضاء المنتدي
علي العموم كل اعضاء المنتدي ناس كويسه اوي وانا بحترمهم وبحبهم جدا

4-انا اتمني للاعضاء كلهم ان ربنا يوفهم ويوفقنيويارب المنتدي يكبر ويبقي احسن من كده كمان

5-من حيث العتاب باه فانا عاوزه اعاتب ناس كتير
الاستاذ ديبو وزيزو وميزو خفو علي البنات شويه اتقو شرنا احنا بنحظركو
وكمان كل الي بيدخل الموضوع ومش يرد عليه ياجماعه مش ينفع كده لازم نحمس الناس اليبيعملو الموضوع عشان لما مش بتردو انتو كده بتحبطوهم

من طرف **DeBo0o** الأربعاء أكتوبر 24, 2007 1:16 am

انا جه

.. وقعتى يا رونى و لا حدش سمى عليكى cheers

1 - انتى مرتبطه و لا لا بس بامانه .؟؟

2 - ايه اكتر موقف محرج حصلك فى حياتك ؟

3 - امتى بكيتى بجد و ما عرفتيش تمسكى نفسك و كان ليه ؟؟

كفايه عليكى دووووووووووول ... جاوب يا عم الحج

من طرف mercury الأربعاء أكتوبر 24, 2007 10:22 am

اهلا بيكى يا رنيم تحت المجهر

هسالك شوية اسئلة صغيرين

1- لو عندك الة الزمن تحبى تروحى اى زمن ؟طيب ولايه؟

2- مين قدوتك فى الحياة؟

3-ايه معنى الصداقة بالنسبة لك؟

4-"فاقد الشىء لايعطيه" هل المقولة صحيحة ؟؟؟

5- لو المنتدى غرق تحبى تنقزى مين من الاعضاء؟

كفاية دول
اوك ماشى

من طرف **A.S.Shiko0o0o** الخميس أكتوبر 25, 2007 12:53 pm

- بصى يا ستى مين اكتر واحده فى المنتدى قريبه منك غير طبعا سنووووووووو ؟
- برده عاوز اعرف رايك فى كل واحد يعىن ادى كلمه عن كل واحد من اصحابك واهم حاجه اوعى تنسى حد ؟
- مرتبطه ولا لأ وبصراحه هههههههههههههه اصل انا كده فيه حاجه فى دماغى عاوز اتاكد منها king

من طرف **RANEEM** الخميس أكتوبر 25, 2007 10:41 pm

اوك يا عم ديبو

1-انا مش مرتبطه خالص

2-اكتر موقف محرج هههههههههههههه بس يا عم كنت راكبه عربيه وكانت راكبه معايا واحده كان بيتهيقلي اني انا عرفاها فدفعتليها وبقولها خلاص قالتي خلاص ايه هو انتي تعرفيني اصلا قولتلها مش انتي اسمك ..... قالتلي لا قلتلها ما خلاص باه انا دفعت وخلاص قامت قالت هو انتي هتبقششي عليا كان شكلي وحش قووووووووووووووي Embarassed

3- امتي بكيت بجد دي كتير اصل الدنيا مليانه مشاكل

من طرف **RANEEM** الخميس أكتوبر 25, 2007 10:52 pm

ازيكmercury

1-احب اكون في عصر الرسول عليه الصلاه والسلام لاني نفسي اشوف الرسول اوي وكمان عشانعشان ايمانا كان هيبقي اقوي من كده وهو عصر مش في نفاق بين المسلمين بل كان المسلمين عايشين بالصدق والامانه

2-قدوتي في الحياه هي ولدتي ربنا يخليها

3-معني الصداقه هو ان تكون صديقتي خايفه عليا تنصحني وانصحها تقف جنبي وقت شدتي تخاف عليه تساعدني مش تبقي منافقه معايه تحافظ علي سرتي في غيابي يعني مش تتكلم عليا من ورايا بسي في معاني كتير للصداقه بس في مقوله بتقول صديقك تعرفه وقت شدتك

4-بسي هو علي قد فهمي للمقوله فهي صح يعني مثلا انتي شي مش فهماه كويس يبقي مش هتعرفي توصلي فهمك لحد

5-لو المنتدي غرق احب انقذ كل الاعضاء مش حد معين

من طرف **RANEEM** الخميس أكتوبر 25, 2007 11:53 pm

ازيك شيكو

1-بس يا عم اقرب اتنين ليه غير سنووووووووووو هما اس وميرامور

2-انا هقولك راي بصراحه ومش حد يزعل
-سنوووووووو دي روح قلبي لو وصفتلك بحبها قد ايه مش هخلص بحس انها مثلي تماما دمغنا لاسعه بس طيبين والله كفايه ان احنا في قسم واحد
-اس حياتي عثل طيبه خالص وعشريه وتتحب بس عيبها انها عصبيه شويه بس بموت فيها
- ميرامور دي باه بت مسكره اوي طيب خالص وبرياه وعلي نيتها والله برده بحبها موت
-موووووووني دي باه العاقله الي فينا وطيبه خالص ومسكره ورومنسيه مووووووت وعثل خالص والله
-مني زكي شقيه مووت ودمغها ضربه اوي بس طيبه خالص وبحبها برده والله
-دودي شقيه برده مش بتهدي في حته وطيبه وعثوله بس عصبيه شويه زي اس

الاولاد
-عمنا ديبو المطرب بتاعناطيب خالص والله وعسول وان شاء الله يا ديبو تبقي مطرب مشهور ياجماعه صوته حلو جداااااا
-دراز طيب وكويس بس دماغه لاسعه وبعدين هو السوس بتاعنا ولاايه يا دراز
-روميو طيب وكويس
-زيزو انا لسه عارفاه من فتره قصيره اوي بس انسان كويس ومحترم وطيب
-معارك طيب خالص وشخصيه لذيذه موووووت
-اما انت باه يا شيكو فانت دمك خفيف وكويس ودماغك لاسعه ههههههههههههههه

بس يا شيكو انا عاوزه اقول حاجه انا كان نفسي زميلنا الاولاد دول يخافو علينا يعني لو شفونا بنغط يوجهونا بس انا اكتشفت غير كده هو طبعا مش كلهم هيه النصيحه مش هتخسر يا شيكو

3-لا يا عم شيكو مش مرتبطه خالص بس انا عاوزه اعرف ايه الي في دماغك

من طرف **شذى** الخميس أكتوبر 25, 2007 11:56 pm

طيب مين
1 : اكتر ولد بتحسى انه دماااااااااااااااااغ ع الاخر ومعانا فى الكلية
2:مين اكتر بنت بتحسى انهها دمااااااااااااااااااغ برضه معانا
3:مين اكتر حد مش فهمك معانا برضه
4:مين الحد اللى نفسك تفوقيه من اللى هو فيه ولو وصلت انك تضربيه حتى

من طرف **ESSS** السبت أكتوبر 27, 2007 8:54 pm

ربنا يخليكي ليا يا رنيم يا حبي بجد انتي اللي عسولة جدااااا وتتحبي علطول
وكفاية بقى يا جماعة على البنت أرحموها شوية وأنقلوا على حد تاني
بس الأول ردي على منى هههههههههههه

من طرف **RANEEM** السبت أكتوبر 27, 2007 9:20 pm

مني زكي ازيك يا باشا

1-اكتر ولد دماغ في الكليه بيتهيقلي كلهم دماغ
2-اكتر بنت باه بسي معايا انا هتكلم علي الجروب بتاعنا هو انتي مش عارفه يا مني ان كلنا لما بنشرب فانتا تفاح بنهيس كلنا ولا ايه يعني برده كلنا لاسعين
3-هما كتير مش فهمني بصراحه بس انا احب احتفظ بالاجابه لنفسي
4-ههههههههههههههههه اكيد انتي عرفاه

وعلي فكره يا اس انا والله العظيم مش بجامل انا صريحه جدا

من طرف **snow white** السبت أكتوبر 27, 2007 10:47 pm

انتي كمان يا روني اقرب صاحبه
ليا وميرسي يا قمر علي كلامك ده

من طرف **MeRaMoRe** السبت أكتوبر 27, 2007 10:57 pm

ياحبيبتي يارنيم والله انتي اللي عسل

وبعدين بلاش فانتا تفاح دي مواضيع عائليه

بس برافو عليكي انك جاوبتي على الاسئله الرخمه دي

الناس هنا فضوليين اوي

من طرف **MOoON Light** الأربعاء أكتوبر 31, 2007 11:34 pm

كنتى صريحة فعلا يارنيم فى ردودك

يارب الكل يكون قال اسئلته اللى عايزها منك

دلوقتى بقى

لانك مش اختارتى حد بعدك

فهختار انا

مييييييين
injured falcon

اللى عايز يسأله بقى يتفضل

من طرف **MOoON Light** الأربعاء أكتوبر 31, 2007 11:42 pm

طبعا اول سؤال :

بيناتك الشخصية؟

اكتر شخصية بتحترمها فى حياتك او عندنا فى الكلية يعنى؟

حبيت قبل كده ولالا؟ بصراحة ها

حبييت واتخدعت؟

وحاليا ايه حالتلك العاطفية ؟

قدوتك مين فى الحياة؟

ايه اول حاجة بتنتظرها انك تلاقيها فى الكلية اول ماتروح؟

اوعى تقول انى رزلة

هههههههههه

لسه باقى الاسئلة جاية

جاوب دلوقتى على الاسئلة دى

من طرف **Totti** الخميس نوفمبر 01, 2007 12:02 am

هاي يا جماعة
انا محمد دراز
تاريخ ميلادي 3/ 7/ 1988
من مواليد اسكندرية
في شخصيات كتير بحترمها هما الجروب بتاعنا (ده طبعا في الكلية)
ومن برة الكلية محمد صاحبي الانتيم من 3 ابتدائي
حبيت مرة واحدة والموضوع انتهى
انا حبيت بس ما اتخدعتش
حالتي حاليا (معندكيش عروسة ليا؟؟؟؟؟؟)
اول حاجة بنتظرها الصبح اني الاقي الناس بتضحك مش مبوزين كالعاده

من طرف **MOoON Light** الخميس نوفمبر 01, 2007 1:03 am

حالتي حاليا (معندكيش عروسة ليا؟؟؟؟؟؟)
عندى بس انت تأمر
وجاوب باجابة مش بسؤال
عشان اعرف اجيبلك عروسة ولالا

هسأل تانى:

**تعمل ايه لو حسيت ان فى بنت بتحبك
وانت كنت بتحبها هل هتحاول تبينلها ولالا؟؟؟

**ولو بقى نفس البنت دى حسيت انت برده انها بتحبك
وانت مكنتش بتحبها :::: هتعمل ايه
هتحاول تبينلها ؟ ولا هتقول لا عشان مش اجرحها؟
ولا هتقول ايه المشكلة يعنى ماسيبها تحبينى وخلاص
انا مش خسران اى حاجة؟؟؟؟؟

*****جاوب بقى بصراحة شوية*****

نلتقى بعد الفاصل

من طرف **ESSS** الخميس نوفمبر 01, 2007 8:35 pm

أهلاااااااااااااااا بيك يا دراز وقعت يا باشا
خد بقى شوية الأسئلة دي وجاوب من غير أي مجاملة

مين أكتر حد بترتاحله في الكلية ؟ (وبأمانة)
ايه الهدف من الكلام اللي على الصورة اللي أنت حاططها؟ ده رأيك في الصحبية؟
لو اضطريت في يوم أنك تتحط في مفاضلة بين حبيبتك وأنتيمك تختار مين؟
إيه أكتر موضوع عجبك هنا في المنتدى؟

كفاية عليك كدة بس أكيد هفكرلك وأكتبلك أسئلة تانية
استناني

من طرف **Totti** الخميس نوفمبر 01, 2007 9:02 pm

بصي يا موني
انا لوحسيت ان بنت بتحبني وانا كنت معجب بيها هروح اصارحها على طول
بس انا لو مش معجب بيها هلمح لها بس طبعا مش هجرحها

انا انتي يا اس
اكتر اتنين برتاح لهم في الكلية هما مازن واس
كلمة مفيش صاحب بتصاحب
يمكن انا متشائم شويه بس انا فعلا ملقتش صاحب بجد مع كل احترامي لاصحابي انا فعلا بحبهم جدااااااااااا
اما المفاضلة بين انتيمي وحبيبتي فده مينفعشاني افاضل بين الاتنين لان ده حب وده حب تاني خالص ومينفعش اخسر واحد عشان التاني
اكتر مو ضوع عجبني هو موضوع التعارف بس بصراحة معظم المواضيع حلوة اوىىىىىىىىى

من طرف **شذى** الأحد نوفمبر 04, 2007 9:35 pm

عمرك بكيت لو وحشك حد بتحبه

وهل فيه حد قبل كده بكى علشانك

من طرف **Totti** الأحد نوفمبر 04, 2007 11:28 pm

ايوة يا منى بكيت على حد بحبه اوي ووحشني اوى ونفسي اروحله النهارده قبل بكرة
اما السؤال التاني فمش عارف بس معتقدش

من طرف mercury الإثنين نوفمبر 05, 2007 7:12 pm

اولا السلام عليكم ورحمة الله وبركاته
ثانيا ابدأ الاسئلة
1-انت دخلت الكلية رغبة منك ولا عشان التنسيق؟
2-نفسك تبقى ايه فى المستقبل؟
3-طيب تتعامل ازاى مع كلا من الشخصيات التالية:
*الشخصية المستفزة
*الشخصية الكاذبة
*الشخصية المنافقة
4-مممممممممممممممممممممم
امتى تعمل كده
Sad

وكمان

وكمان

5-اوصف اعضاء المنتدى على قد ما تقدر
كفاية دول

من طرف **Totti** الثلاثاء نوفمبر 06, 2007 2:22 am

بصي يا mercury
انا دخلت الكلية عشان التنسيق طبعا
نفسي ابقى دكتور تحاليل مشهور
الشخصية المستفزة اكيد هستفزه لحد ما يبطل هو والحمد لله اقدر
على فكرة انا اصلا مش مستفز ومش بحب الناس دول بس للضرورة احكام

الشخصية الكاذبة او المنافقة بقطع معاهم بلا تردد
(على فكرة الحاجة الوحيده اللي مش ممكن اغفرها لاي حد هي الكذب مهما كان قريب مني)
السؤال الرابع
ممكن اعمل كده لوحسيت ان حد بيثبتني

في انتظار اسئلتكم

من طرف **Totti** الثلاثاء نوفمبر 06, 2007 2:24 am

معلش نسيت اخر سؤال (وصف اعضاء المنتدى)
كلهم ناس زي العسل ومهما قلت مش هعرف اوصفهم

وبجد بحبهم كلهم رغم اني معرفش معظمهم

من طرف **MOoON Light** الأربعاء نوفمبر 07, 2007 8:51 pm

شكرا ياتوتى على اجابتك الصريحة دى

وكده شكل الاعضاء استكفوا بالاسئلة دى

هى فعلا كانت اسئلة كتير وثقيلة عليك شوية

بس كويس انك استحملتنا للاخر

ياريت انت بقى تختار حد بعدك يبقى تحت المجهر

من طرف **Totti** الأربعاء نوفمبر 07, 2007 9:44 pm

الحمد لله اني اترحمت من الاسئلة
هختار بعدي

من غير زعل

مون لايت

بصي ياستي
بس بصراحة ومن غير لف ولا دوران

بياناتك الشخصيه (اللي انتي عاوزة تقوليه عن نفسك)
ايه اكتر حاجة بتحبيها تكون في الشخص اللي ادامك؟
ايه اكنر حاجة بتكرهيها في الدنيا؟
انتي ليه هادية اوى كده؟
امتى بكيتي بجد ؟
مين اكتر حد في الكليه بترتاحيله؟
مين اكتر حد في الكليه بتكرهيه؟

كفايه كده دلوقتي وهرجعلك تاني

من طرف **MOoON Light** الأربعاء نوفمبر 07, 2007 10:16 pm

ماااااااااااااااااااااااااااااشى ياتوتى

ان شاء الله هحاول ارد من غير لف ودوران خااااااااااااااااااااااااالص

بياناتك الشخصيه (اللي انتي عاوزة تقوليه عن نفسك)؟

الاسم : R.M
العنوان :بنها العثل
الكلية :معاكم طبعا

ايه اكتر حاجة بتحبيها تكون في الشخص اللي ادامك؟

الصراحة طبعا والوضوح
وانه يراعى ربنا فى كلامه معايا جدااا

ايه اكنر حاجة بتكرهيها في الدنيا؟
الكدب والخداع ووووو التثبيييييت هه

انتي ليه هادية اوى كده؟
ربنا عايز كده
هههههههههه
وكمان علشان اعرف اعيش واتعامل فى الوسط اللى انا فيه ده
لازم يكون الهدوء موجود وخاصة فى التعامل مع زمايلى فى الكلية
لكن انا بره الكلية مش هادية بنفس الطريقة اللى فيها معاكم

امتى بكيتي بجد ؟

اول السنة اللى فاتت

مين اكتر حد في الكليه بترتاحيله؟
تقريبا الجروب بتاعى كله بستريحله جداااااااا
وخاصة:
مونى دى طبعا مش هنا على المنتدى وفى قسم ميكروو وووو منى زكى ( بيرو) وحد كمان!

مين اكتر حد في الكليه بتكرهيه؟

لا الحمد لله لسه مش وصلت لدرجة انى اكره حد
بس فى احتماليه انى اوصل

مااااااااشى ياباشا

من طرف **DeBo0o** الأربعاء نوفمبر 07, 2007 10:46 pm

طبعا الموضوع هايل و انا متابعه بس بصراحه ما كنتش بحب اسال حد

لكن بصراحه لما لقيت مون هيا اللى وقعت يا عينى تحت الميكرسكوب .. جريت جبت سليت و جيت جرى lol!

علشان ارخم عليها شويتين و اسالها كام سؤال

1- الى اى مكان ياخذك الحنين ؟؟

2- الى اى شخص ياخذك الاشتياق ؟؟

3- الى اى زمن تفضلى ان تحيا فيه ؟؟

4- هل رايت فى اعين احدهم الحب الواضح و الصريح ... و ماذا فعلت ( ان وجد ) ؟؟

فلنكتفى بهذا القدر .. و لنا عوده

من طرف **ESSS** الخميس نوفمبر 08, 2007 12:15 am

أهلا يا مون اهلا
شرفتي والله
شكل كدة اللي بتعمليه في الناس بيطلع عليكي

ما علينا
خدي بقى الأسئلة دي وعايزين الصراحة طبعا تحت المجهر Icon_wink

هل تحبي ان تملك من تحب ام يملكك من تحبين؟
وهل دى انانيه فى الحاله الأولى ام انكار ذات فى الثانيه؟

هل تعتقدي انك سيئة الحظ ؟؟؟؟

مارأيك في الرجل الذي يبكي من اجل الحب ؟

سؤالي هو........هل تدين باعتذار لاحد ما؟؟؟؟؟من هو؟؟؟؟؟؟ولما؟؟؟

يالا كفاية كدة عليكي وبعدين نشوف

من طرف **MOoON Light** الخميس نوفمبر 08, 2007 10:53 am

اولا : مبروووك على ال Web Master ياباشا

ثانيا: حرام عليك الاسئلة دى اجاوب عليها دى ازاى

هحاول

1(((((((- الى اى مكان ياخذك الحنين ؟؟ ))))))))
................................................
اكتر مكان بجد باشتاق ليه : جامعة حلوان كنت فيها فى سنة اولى
*************************

2- الى اى شخص ياخذك الاشتياق ؟؟
......................................
طبعا الرسول صلى الله عليه وسلم
***************

3- الى اى زمن تفضلى ان تحيا فيه ؟؟
............................
هو الزمن اللى احنا فيه دلوقتى لانى مش متخيله نفسى خاااااااالص فى اى زمن غيره
*********************

4- هل رايت فى اعين احدهم الحب الواضح و الصريح ... و ماذا فعلت ( ان وجد ) ؟؟
...................................
يعنى تقريبا اه
وعملت نفسى طبعا هبلة ههههههههههههه
عادى يعنى

من طرف **A.S.Shiko0o0o** الخميس نوفمبر 08, 2007 4:28 pm

هههههههههههه انا كمان كنت مستنى لما تقعى انتى بقى يا موووووووووون

ها

س1 لو رحتى رحله لجزيره بعيده تحبى تخدى حد معاكى انتى والشخصيه دى وبس ؟ يكون مين وليه ؟

س2 شايفه واحده تستحق انك تضحى كبيره اوى عشانها ؟

س3 ايه الحلم اللى حلمتيه ومش طلتيه؟

س4 قولى رأيك فى الشله واللى بيحصل فيها اليومين اللى فاتوا دووول ؟( الناس اللى عماله تقفش دى ) بس كفايه كده معلش طولت عليكوا مع سلاموا عليكوا

من طرف **MOoON Light** الخميس نوفمبر 08, 2007 9:03 pm

هل تحبي ان تملك من تحب ام يملكك من تحبين؟
.........................................
بصراحة احب الحالتين بس الحالة الاولى طبعا اكتر او افضلها انا
&&&&&&&&&&&&&&&&&&&&

وهل دى انانيه فى الحاله الأولى ام انكار ذات فى الثانيه؟
......................................
طبعا مش حكاية انانية ولا حاجة بس كل الحكاية انى افضل ان الشخص اللى احبه يكون ليا وبس بمعنى
انى انا فى طريقة كلامى معاه هحاذر جدااااا انى لا ازعله ولا اضايقه ممكن بقى لو حد غيرى كلمه
يزعله او ينرفزه علشان كده محبش ان حد يكلمه غيرررررررررررررى وبس
مع انى عارفه ان ده مش بيحصل
&&&&&&&&&&&&&&&&&&&&

هل تعتقدي انك سيئة الحظ ؟؟؟؟
..............................
اممممممممممممممممممممممممم
احيانا كتيييييييييييييير اها
بس الحمد لله على كل شىء
&&&&&&&&&&&&&&&&

مارأيك في الرجل الذي يبكي من اجل الحب ؟
مش بحب طبعا اى رجل يبكى من اجل اى شىء
لان من المعروف ان البكاء ضعف
والضعف مش من صفة الرجالة

وبرده مش هقدر اسميه عاطفى او رومانسى زيادة عن اللزوم
لانه ممهما حصل مش ينفع يبكى
&&&&&&&&&&&&&&&&&&

سؤالي هو........هل تدين باعتذار لاحد ما؟؟؟؟؟من هو؟؟؟؟؟؟ولما؟؟؟
....................................
طبعا ادين بالاعتذار لشخص واحد وهو نفسى فقط

بجد Iam so so sorrrrrrrrrry to my self
&&&&&&&&&&&&&&&&&&

ان شاء الله اكون جاوبت بصراحة على اسئلتك يااس

من طرف **MOoON Light** الخميس نوفمبر 08, 2007 9:19 pm

س1 لو رحتى رحله لجزيره بعيده تحبى تخدى حد معاكى انتى والشخصيه دى وبس ؟ يكون مين وليه ؟
@@@@@@@@@@@@@@@@@@@
احب انى اخد معايا حد قريب منيي اووووووووى يفهمنى صح
ومش كل شويه يعد يتلكك على اى حاجة بعملها
يعنى حد يكون بيعزنى علشان يريحنى
#####################

س2 شايفه واحده تستحق انك تضحى كبيره اوى عشانها ؟
@@@@@@@@@@@@@@@@
الحمد لله عملت الحكاية دى قبل كده
ومش ناوية اعملها تااااااااانى ابدااااا
لانى بجد تعبت
##################

س3 ايه الحلم اللى حلمتيه ومش طلتيه؟
اعتذر عن الاجابة على هذا السؤال
معلش ياشيكوو
##################

س4 قولى رأيك فى الشله واللى بيحصل فيها اليومين اللى فاتوا دووول ؟( الناس اللى عماله تقفش دى ) بس كفايه كده معلش طولت عليكوا مع سلاموا عليكوا
.........................................
بجد الجروب الايام دى بقى معظمه يتلكك على اى حاجة للتانى
ويزعل من اقل حاجة
تقريبا كده بقى حكاية الاحساس دى زادت عند الكل مرة واحدة
وبرده يمكن حكاية الناس اللى عماله تقفش دى فده نتيجة لتكبير دماغ ناس فى الجروب
مش بيهمهم غير حاجات معينة وبس وبقوا يفكروا بطريقة غريبة
وعايزين الناس كلهم زيهم ولما حد يجى يتصرف اى تصرف تانى
حتى لو كان صح
بيبقى من وجهة نظرهم غلط علشان بس مجرد ان تفكريهم غيرهم
######################

حسة انى طولت فى الاجابات
بس معلش بقى

اسئلتك ياشيكوووووو جميلة جدااا بالنسبالى
وصعبة موووووووت

من طرف **DeBo0o** الخميس نوفمبر 08, 2007 10:46 pm

تم التثبيت

ادارة المنتدى

من طرف **Crespowbas** الجمعة نوفمبر 09, 2007 4:20 am

طب انا هدخل فى الموضوع علشان عاوز اعرف منك اجوبه لاساله يعنى دة بعد ازنك

اول سؤال

ايه مواصفات فارس احلامك ولو جيه دلوقتى هتعملى ايه ؟

لو كان حد بيحبك جدا بس خايف يبينلك واتشجع مرة وجالك وقالك هتعملى فيه ايه وهترودى تقولى ايه؟

لو انتى حبيتى حد جدا ومكنتيش قايله لحد وفوجئتى انك صحبتك حبيته قووووووووى وعاوزة تكلمو هتعملى ايه فى الحاله ديه؟

لو حبيتى حد بجد هتقولى لمامتك ولا مش هتقولى ؟

اللى عاوزة تجوبى عليه تجاوبى حريه شخصيه بس انا عاوز اعرف اجابات للاساله ديه لو ممكن يعنى

من طرف **Totti** الجمعة نوفمبر 09, 2007 2:15 pm

شوية اسئله حلوة والاجابه اجباري

امتى اكتر وقت فرحتي اوي؟ وكان ايه السبب؟
امتى اكتر وقت زعلتي اوي؟ وكان ايه السبب؟
ممكن ترتبطي بانسان مش بتحبيه؟؟؟؟؟؟؟؟؟؟
ليه مش بتحبي الاختلاط بالناس؟

كفايه كده دلوقتي
راجعلك تاني يا جميل

من طرف **MeRaMoRe** الجمعة نوفمبر 09, 2007 7:16 pm

بالراحه عليها ياجماعه

الله يكون في عونك ياموون

انا هسأل سؤال واحد بس وبسيط جد

ايه رأيك في نفسك او ممكن توصفي نفسك ازاي؟

بس

وربنا معاكي

من طرف **MOoON Light** السبت نوفمبر 10, 2007 6:24 pm

ايه مواصفات فارس احلامك ولو جيه دلوقتى هتعملى ايه ؟
طبعا التدين وانه يراعى ربنا فى تعامله معايا اولا واخلاقه عاليه ويخاف عليا جداااااااا
&&&&&&&&&&&&&&&&&&&&&&&&&&&&&&&

لو كان حد بيحبك جدا بس خايف يبينلك واتشجع مرة وجالك وقالك هتعملى فيه ايه وهترودى تقولى ايه؟
والله لو كنت بحبه طبعا هفرح جدااااااا وهعمل نفسى مكسوفه وهسيبه وامشى
بس لو مش كنت بقى بحبه : هحاول انى ابينله باى طريقة انى مش بابدله نفس الشعور وبس
&&&&&&&&&&&&&&&&&&&&&&&&&&&&&&

لو انتى حبيتى حد جدا ومكنتيش قايله لحد وفوجئتى انك صحبتك حبيته قووووووووى وعاوزة تكلمو هتعملى ايه فى الحاله ديه؟
فى الحالة دى بقى يبقى هو اللى يقرر ويشوف هو بيحب مين فينا ولو كان انا اللى بيحبنى وهى بجد صاحبتى جدا
يبقى هضحى بحبنا عشان صداقتنا ابقى
&&&&&&&&&&&&&&&&&&&&&&&&&&&&&&

لو حبيتى حد بجد هتقولى لمامتك ولا مش هتقولى ؟
طبعا هقول
&&&&&&&&&&&&&&&&&&&&&&&&&&&&&&

شكرا على اسئلتلك ياكريسبوووو

من طرف **MOoON Light** السبت نوفمبر 10, 2007 6:34 pm

امتى اكتر وقت فرحتي اوي؟ وكان ايه السبب؟
عايز الصراحة والله مافكره انى مافرحت خاااااااااااااااالص
وكل مااجى واحس ان خلاص فى احتمال انى افرح تيجى اى حاجة وتمنع الفرح ده
##############################

امتى اكتر وقت زعلتي اوي؟ وكان ايه السبب؟
بجد يعنى امممممممممممممممممممممممم
اممممممممممممممممممممممممم

قول السنة اللى فاتت

ومش ليك دعوة بالسبب ياتوتى ايه ال!!!!!!!!!!!! دى ههههههههههههههههه
##############################

ممكن ترتبطي بانسان مش بتحبيه؟؟؟؟؟؟؟؟؟؟
ده لو كان غصب عنى بس
ولو كان ربنا فعلا رايد كده
يبقى خلاص امرى لله
############################
ليه مش بتحبي الاختلاط بالناس؟
يمكن خووووووووف وقلة ثقة فى الناس اللى حوليا

############################

ماااااااااااااااشى ياتوتى
شكراااااااااااااااا للجمايل دى
مردودالك فى الافراح

$$$$$$$$$$$$

من طرف **MOoON Light** السبت نوفمبر 10, 2007 6:37 pm

ايه رأيك في نفسك او ممكن توصفي نفسك ازاي؟
مفيش حد طبعا يقدر يوصف نفسه نهاااااااااااااااااااائى

بس اللى ممكن اقوله على نفسى انى فعلا صريحة مع اللى قدامى

شكرااا على الاسئلة دى ياجماعة

من طرف **RANEEM** السبت نوفمبر 10, 2007 11:08 pm

قوليلي يا مون

عمرك جربتي خيانه الصداقه؟ ولو جربتيها صديقتك خانتك ازاي؟
اوصفي شخصيه اصحابك بالنسبه ليكي بصراحه؟؟؟؟؟؟؟؟؟؟؟
كتم مره حسيتي انك عاوزه تبكي بجد؟وليه؟؟؟؟؟؟؟؟؟؟؟؟؟؟؟
انتي ليه دايما حزينه كده؟؟؟؟؟؟؟؟؟؟؟؟؟؟؟؟؟؟؟؟؟؟

من طرف **MOoON Light** الأحد نوفمبر 11, 2007 6:13 pm

عمرك جربتي خيانه الصداقه؟ ولو جربتيها صديقتك خانتك ازاي؟
.......................................................
لا الحمد لله يارونى عمرى ماجربت خيانة من اى صديقة ليا
_______________________________

اوصفي شخصيه اصحابك بالنسبه ليكي بصراحه؟؟؟؟؟؟؟؟؟؟؟
..................................................
اصحابى مش عارفة انتى تقصدى مين بالضبط
طبعا صحاباتى اللى من بره الكلية مش محتاجة انى اوصفهم لانهم _هما تقريبا انا_ مش محتاجة نقاش
اما بقى اللى جوه الكلية
فهبدأ ب مونى : هى السبب الوحيد اللى شجعنى انى احول هنا بنها فاكيد هى من اعز اعز الناس عليا
بيرووو : او منى زكى يعنى : بقيت احبها جداااااا جداااا لانها فعلا طيبة ورومانسية كمان
سنو وايت: من أعز الناس الى قلبى بس تغيرها معايا الايام دى بقى بجد يضايقنى
رانيم: زى سنو بالضبط ::: بس بتنفض بسرعة وبحس انها مش بتحب تسمع غير لناس معينة وبس
ومن جواها طيبة جداااااا وبجد يهمنى أمرها اوووى
أس : طلعت انسانة طيبة اوى ومش بتحب تحرج اللى قدامها وبتخاف على مشاعر الناس
ميرو: حبيبتى شخصيتها عجبانى بس لما بتيجى ضدتى من غير سبب مقنع بتضايق اوووى واكيد مش هتضايق منهاغير لو كانت بجد تهمنى
___________________________________

كتم مره حسيتي انك عاوزه تبكي بجد؟وليه؟؟؟؟؟؟؟؟؟؟؟؟؟؟؟
......................................
كتيييييييير والله يارونى والسبب حاجاااااااااااااااات كتييييييييييييييييييير
وخصوصا لما اكون مظلومة
___________________________________
انتي ليه دايما حزينه كده؟؟؟؟؟؟؟؟؟؟؟؟؟؟؟؟؟؟؟؟؟؟
.................................................
مفيش حاجة تفرح حوليا
____________________________

من طرف **MOoON Light** الأحد نوفمبر 11, 2007 9:10 pm

كفاية بقى عليا الاسئلة دى كلهااا

واختار عضو بعدى

"
"

اختار مين
"
"
والله محتاره
"
"
خلااص امرى لله

"
"
اختار
"
"
"
esse اس
"
يلا بقى معلش يااس
شوفى شوية من اللى انا شوفته

من طرف **MOoON Light** الأحد نوفمبر 11, 2007 9:10 pm

هبدأ انا
بيناتك الشخصية؟ اللى تحبيى تقوليه وبس

ليه كتير من الاوقات بتكونى عصبية؟

مين اكتر الاعضاء بيعجبك مواضيعهم هنا؟

ايه الحاجة اللى ممكن بجد تنرفزك فى اللى قدامك؟؟

نلتقى بعد الفاصل يااس
جاوبى على دول دلوقتى

من طرف **A.S.Shiko0o0o** الأحد نوفمبر 11, 2007 9:45 pm

ههههههههههههه وربنا فرحان فيكى يا اس مش هسال هتفرج بس

من طرف **ESSS** الأحد نوفمبر 11, 2007 10:42 pm

ههههههههههههه وربنا فرحان فيكى يا اس مش هسال هتفرج بس

متشكرة جداااااااا على شماتك يا شيكو

الله يسامحك

بكرة افرح فيك ان شاء الله

اما انتي بقى يا مون مش عارفة اقولك ايه

يوم ليك ويوم عليك يعني؟ اوك

هجاوب ماشي على اسئلتك (أي خدمة)

بيناتك الشخصية؟ اللى تحبيى تقوليه وبس

اسمي: E.M.A
تاريخ ميلادي:21/3/1988
طبعا من بنها العسل (حبي)
3 كلية علوم بنها
قسم : بيو توكنولوجي

ليه كتير من الاوقات بتكونى عصبية؟

والله يا بنتي العصبية دي بتيجي لوحدها والله
حاولت كتير اوي ابطلها معرفتش
يعني من الآخر اظن انها طبيعة مكتسبة من اللي الواحد بيشوفه

مين اكتر الاعضاء بيعجبك مواضيعهم هنا؟

ديبو وانتي يا مون لايت والله بجد مش مجاملة ومنى زكي
بس برضه بقية المواضيع معظمها جميل
انما دول تقريبا كل مواضعهم تمـــــــام

ايه الحاجة اللى ممكن بجد تنرفزك فى اللى قدامك؟؟

البروووووووووود والتناحة والاستغباء
وان اللي قدامي يتجاهلني وكأني مش موجودة اصلا (لوبالقصد طبعا مش هزار)

اديني اهوه جاوبت على اسئلتك يا مون يارب يكون كدة تماااااااام
مستنية الباقي يا جماعة عادي

من طرف **A.S.Shiko0o0o** الأحد نوفمبر 11, 2007 11:16 pm

نايس رد يا اس

من طرف **MeRaMoRe** الأربعاء نوفمبر 14, 2007 10:18 pm

Hey ESSE

معلش معلش ناس رخمه انا عارفه

هسأل انا بقى

1) ايه اصعب موقف اتحطيتي فيه؟

2) ايه هي النقطه السوده اللي في حياتك؟

3) ايه الحاجه اللي نفسك تملكيها؟ مش شرط تكون حاجه كبيره اوي اي حاجه

يلا كفايه عليكي كده

باااااااي

من طرف **Totti** الجمعة نوفمبر 16, 2007 12:56 am

ازيك يا اس
وقعتي ومحدش سمى عليكي
بصي

امتى اول مرة حبيتي بجد؟؟؟؟؟؟؟؟؟ ( اختياري)
مين اكتر حد ممكن تثقي فيه وتحكيله مشاكلك؟
ايه اكتر حاجة بتضايقك؟
ايه هي اسعد لحظة في حياتك؟
اسوا لحظة في حياتك؟؟؟؟؟؟؟؟؟؟
كفايه كده مؤقتا
راجعلك تاني يا جميل